鍾意食辣🌶嘅朋友，必試呢間新派Fushion川菜！
喺一個咁西式有格調嘅環境食川菜真係別有一番風味😆
推介幾款菜式俾大家：
「松花口水雞」用上嫩滑彈牙嘅清遠雞，雞味好出，淋上層次豐富嘅麻辣汁，惹味到極！
「薑汁藤椒熗蟶肉」
蟶子肉爽甜，慘出薑汁藤椒嘅辛香，麻麻辣辣，底層係香港較少見嘅花生芽，爽脆清新！
「黑醋黑毛豚酥肉」外層香脆，內層肉質嫩滑，配上黑醋酸酸味味，愈食愈開胃！
「紅燒扇牯黃牛腩」牛腩非常軟腍，紅燒得夠入味，再帶點辛辣，味道相當好！
「怪味大曲朱古力雪糕」朱古力味雪糕滲出清新嘅辣味，特別得來都幾有驚喜！
餐廳：川流
地址：灣仔太和街28號灣仔薈賢居地舖
電話：31266633